Keele Family Reunion: Tracing the Keele Family History

Who is Keele

Keele logo

Keele e ne e le ngaka. O ne a ena le basadi ba babedi. E ne e le Mmamotsamai le Mmathole. A nyala basadi ba bang ba a robedi. Ha tsoha moferefere o ileng wa qhalanya basadi bao. Basadi bana ba robedi o ne a ba nyetse ha a ntse a eya le metse le metsana. Ba ile ba fetoha baloi. Bang ba re tsena di etsahahetse ha Sethunya Qwa-Qwa. Bana ba Mmamotsamai ba ile ba balehela Lesotho. Bana ba Mmathole ba qhalana le Afrika-Borwa. E mong wa bona ya bitswang Mmiri, a fallela Metsimatsho, Qwa-Qwa. Ditloholo-tloholwana tsa hae di ntse di fumanwa moo. Mmiri o ne a nyetse Nkgòpò, ha a sa le Ha-Sethunya, moferefereng oo wa basadi ba Keele, Nkgòpò o ne a tjhesetswe ka tlung ya hae. Baloi bane ba basadi, ba ile ba bolaya batho ba bangata, ba ileng ba fetoha dithotsela. Dithotsela tseo di ne makatsa batho bosiu ka polelo e reng: Ka Keele ha o tshele. Dikgohlano tsena tsa qhalanya ba ha Keele. Bang ba batla mesebetsi maburung Foreisetata. Bang batshela Lekwa ba aha Germiston.

TSWALANO HOYA KA MATLO

Leloko la Keele Qwaqwa le Lesotho

Ntlo ya Mmathole

TSWALANO YA NTLO YA MMATHOLE

O ne a e na le moradi a le mong feela mme a bitswa Tselane.

Bara ba hae ba hlahlamana tjena:

Leqala
Mmiri kapa Mahemu
Mokekola kapa Tlhako kapa Nkgula
Kolobe kapa Jobo
Mahleke kapa Mantswe

NYALANO KAPA SETHEPU

Nyalano Ha keele

Meetlo ya ha Keele - Kele

E ne e se ditlhong ho ba ha Keele ho nyalana. Sethepu se ne se sa tshose kapa ho nyarosa. Basadi ba theputsang e ne e le ba amanang le monna. Ka lebaka la ho nyalana hona, ha ba le dihole tse ngata ha Keele. Ketsahalo eo ya hlahisa puo e reng: Ha Keele ke diholeng. Kgaello ya mesebetsi ya qhalanya sehlopha sane se ileng sa ya Lesotho Bongata ba tshela Mohokare ba ya Maburung Foreistata. Bang ba fetela pele Teransefala. Leha ho le jwalo ba ha Keele ba sa le bangata ka Lesotho. Ba na le metse e meholo dibakeng tse jwaloka Leribe, Masianokeng le tse ding. Ho thwe Keele o kile a kopana le Mohlomi. Mohlomi a mo ruta bongaka, le bohlale. Mohlomi ke moeletsi e moholo wa morena Moshoeshoe. Tsebo ena ya Keele ya ditlhare e ile ya sengwa ke basadi ba hae. Ho ka utlwisisa bana ba motho ya nyetseng sethepu re ba arola ka matlo. Mosadi e mong le e mong ke ntlo. Hoba le bana ba ntlo e kgolo, ho boele hape ho be le ba ntlo e nyenyaane. Ke tla hlalosa tswalano ya ntlo ya Mmathole. Ke moo re tswang teng. Ke tlohela ya Mmamotsamai ka Lesotho, le tsa basadi bane ba robedi. Hopola hore basadi ba Keele ba ne ba tseka masimo kapa lona lefa ha ba tla tsohelana matla.

Seboko le Dithoko tsa Keele

Bakwena, Bahlakwana

Ba pholo ya Disema,
maila ho ngwathelwa,
batho ba difaheng masihla-sihla,
Batho ba sa jeng qhetswana la maobane.
Batho bao etlare haba ja meriti e thehe
ho thehe e menyane ya diotlwana.
Ke moraparapa wa Maleshwane,
o rapalletse sakeng,
kgomo ha di mo je o nkga leshokgwa.
Batho ba sa jeng sehwete-moru,
ba itjella mabodi thoteng,
kgopi e tshela lekwa e apere Bahlakwana,
Batho ba Mmakadi ya Tsholo,
Batho ba MMakgolwane ya Mahase ya Bonthopi.

Family Crest Heritage Series - 600 DPI

Keele History, Family Crest & Coats of Arms

Keele European Family Origin

Keele University

Keele university

Keele University, Located in the Staffordshire countryside and just five miles from Stoke-on-Trent, Keele is world-renowned for its breadth of teaching and research that tackles the world's most urgent problems.